Գենդերային կրթություն

Կնոջ անհավասարության հիմնախնդիրը ուղեկցել է մարդկությանն իր ողջ պատմության ընթացքում: ՀԱԲ-ը ձեռնամուխ է եղել այդ անհավասարությունը վերացնելու առաքելության իր երկարաժամկետ մարտավարությանը, որում կարևորում է կանանց ներգրավվածությունը՝ որպես սեփական իրավունքները գիտակցող քաղաքացիներ: Այս առաքելության համար մեծ ուշադրություն է դարձվում կրթության գործոնին:
Կազմակերպությունն իր հիմնադրման առաջին օրվանից բազում ոչ-ֆորմալ դասընթացներ է կազմակերպել կանանց և աղջիկների համար՝ ուղղված գենդերային հավասարության և կանանց իրավունքների վերաբերյալ իրազեկվածության բարձրացմանը: 
Սակայն ՀԱԲ-ը չի սահմանափակվում միայն ոչ-ֆորմալ կրթությամբ: Գենդերային կրթությունը, դիտարկելով նաև որպես ընտանեկան բռնությունների կանխարգելման հիմնասյուն, ՀԱԲ-ը միջոցներ է ձեռնարկում, որպեսզի գենդերային կրթությունը կրի ֆորմալ բնույթ և ՀՀ հանրակրթական դպրոցների ուսումնական պլանում ներդրվեն գենդերային հավասարությանն առնչվող թեմաներ: 

 


 

 

Ծրագրի մեկնարկը տրված է։ 

Սեպտեմբերի 8-9-ը Հայաստան ժամանած միջազգային փորձագետները, տեղացի մասնագետների, կառավարության, իրավապաշտպան կառույցների ներկայացուցիչների և մանկավարժների հետ միասին հնարավորություն ունեցան քննարկելու ուսումնական հաստատությունների անձնակազմի համար մշակվող դասընթացի բովանդակային և կիրառական կողմին վերաբերող մարտահրավերներն ու առաջարկները։

Երկօրյա արդյունավետ աշխատանքի արդյունքում՝ տեղացի հմուտ փորձագետներ Հասմիկ Գևորգյաը և Անի Կոջոյանը (ԵՊՀ) Օքսֆորդի և Քեմբրիջի հրավիրյալ մասնագետների՝ Ռոյզին Բուրկեի, Լեդի Շայան Քրիսփի, Քերի Թորնիլի, Աննա Արուճյանի հետ համատեղ, կազմեցին դասընթացի թեմաները։ Յուրաքանչյուր մասնագետ ձեռնամուխ է լինելու գենդերային կարծրատիպերի, գենդեր և պատերազմական կոնֆլիկտ, վերափոխող (transformative) կրթություն, քննադատական մտածողության հմտություններ և այլ մոդուլների մշակմանը։

Երկրորդ աշխատանքային օրվա ավարտին կայացավ հանդիպում շահագրգիռ կողմերի և ոլորտի մասնագետների միջև։ Բոլոր կողմերը կարևորեցին ուսուցիչների վերապատրաստման անհրաժեշտությունը։ Ոլորտի մասնագետների պնդմամբ, չնայած դպրոցական ուսումնական պլանում ներառված են իրավահավասարությունը շոշափող թեմաներ, բայց նման դասընթացի շնորհիվ հնարավոր կլինի էլ ավելի մեղմել կարծրատիպային մտածողությունը, ինչը ավելի արդյունավետ կդարձնի մանկավարժի աշխատանքը։

Հանդիպման ընթացքում ներկայացվեցին ընտրված թեմաները, քննարկում ծավալվեց հանրակրթական պետական չափորոշիչների վերաբերյալ։ Գերատեսչությունների կողմից առաջարկներ հնչեցին դասընթացը ներառելու նաև իրենց համապատասխան բաժինների անձնակազմի վերապատրաստման նյութերում։

Դասընթացի մշակման ավարտից հետո նախատեսվում է այն դարձնել առցանց, ինչը կապահովի ավելի մեծ հասանելիություն և չի սահմանափակվի միայն ուսուցչական անձնակազմով։

Էջ 1, 2-ից

Search

Follow us (AM)

Coming Events (AM)

No events found

© 2001-2016 Society Without Violence. All Rights Reserved.