Էջ 1, 2-ից

Մեր հաջորդ միջոցառումն է


Notice: Trying to get property of non-object in /home/swvam/public_html/modules/mod_dpcalendar_counter/mod_dpcalendar_counter.php on line 81

«Հաղթանակած կանայք, թավշյա հասարակություն» փառատոն

2010 թվականին «Հասարակություն առանց բռնության» հասարակական կազմակերպությունը հուլիսի 27-ը հռչակեց Հայաստանում գենդերային հավասարության օր: Շատերը հետաքրքրված են, թե ո՞րն է այդ օրը ընտրելու պատճառը, ինչու՞ ՀԱԲ-ը ամառվա այդ շոգ օրը ընտրեց որպես գենդերային հավասարության օր: Պատճառը իհարկե այն ​​չէ, որ ամբողջական լուսնային խավարումը տեղի ունեցավ այս տարի այդ օրը, և ոչ էլ այն, որ 1890 թվականին հուլիսի 27-ին ինքնասպան եղավ Վան Գոգը:

Ուրեմն, ինչու՞ հենց հուլիսի 27-ը: Տարբեր հետաքրքիր և նույնիսկ տարօրինակ տոներ են նշվում աշխարհում: Օրինակ՝ «Հագեք ձեր սեփական կոշիկները» օրը, որը հիմնականում նշվում է հարավային կիսագնդում: Ցանկացած օր կարելի է տոնել, բայց գենդերային հավասարությանը նվիրված օր չկա աշխարհում: ՀԱԲ ՀԿ-ն երկար տարիներ այս ոլորտում աշխատելով՝ լուրջ պատասխանատվություն է իր վրա  ստանձնել հուլիսի 27-ը որպես կանանց և տղամարդկանց սոցիալական, տնտեսական և քաղաքական հավասարության խթանման օր հռչակելով: Ամեն տարի ՀԱԲ-ի թիմը խանդավառորեն սպասում է այդ օրվան՝ բազմաթիվ, նոր և ստեղծագործ գաղափարներով: Նախապատրաստական գործընթացը շատ դժվար և պատասխանատու է, բայց միևնույն ժամանակ ոգեշնչող և հաճելի: Սակայն, հենց այդ ծանր աշխատանքի շնորհիվ է, որ շուրջ ութ տարի  հուլիսի 27-ը Հայաստանում նշվում է որպես գենդերային հավասարության օր։

Այս տարի գենդերային հավասարության օրը նշվեց Հայաստանի սրտում` Երևան քաղաքում: Միջոցառումը կրում էր «Հաղթանակած կանայք, թավշյա հասարակություն» փառատոն խորագիրը: Մեր կամավորները ներկայացրին հետաքրքիր նախագիծ և նկարահանեցին տեսանյութ, որտեղ խոսում են գենդերային հավասարության և դրա կարևորության մասին: Սակայն, մենք այսքանով չբավարվեցինք: ՀԱԲ-ը ստեղծագործական մրցույթ հայտարարեց տաղանդավոր երիտասարդների համար: Մրցույթին մասնակցեցին արվեստագետներ Հայաստանի տարբեր շրջաններից: Շատ յուրահատուկ և հետաքրքիր արվեստի գործեր ստացանք, որոնք ցույց են տալիս կանանց դերը հանրային կյանքում։ Երկու աշխատանք ընտրվեց որպես հաղթող (մեկը` ՀԱԲ-ի թիմի կողմից, մյուսը՝ սոցիալական մեդիայի քվեարկության հիման վրա): Աշխատանքերը  այնքան գեղեցիկ էին, որ ընտրված արվեստի գործերը տպագրվեցին տետրերի, պայուսակների, վերնաշապիկների և բացիկների վրա, որոնք վաճառվեցին փառատոնի ընթացքում բարեգործական նպատակներով։ Վաճառքի արդյունքում ստացված հասույթը նպատակաուղվելու է Հայաստանում կանանց հզորացմանը:

Իրազեկվածության բարձրացման համար կազմակերպվեց համերգային ծրագիր, որտեղ ելույթ ունեցան ինչպես հայտնի, այնպես էլ սկսնակ անհատ ստեղծագործողներ և խմբեր: Նրանք բոլորն էլ սատարում և կարևորում են գենդերային հավասարության օրվա գաղափարը:

Վերջապես օրը, որին սպասում էինք, եկավ: Նման կարևոր գործի համար պատասխանատվություն ստանձնելով՝ մենք արեցինք ամեն ինչ մինչև միջոցառումը և դրա ընթացքում: Մենք կարող ենք հպարտորեն ասել, որ օրը ծառայեց իր նպատակին: Մեր փոքրիկ տաղավարը մարդաշատ էր, մարդիկ իսկապես հետաքրքրված էին և՛ վաճառվող իրերով, և՛ օրվա խորհրդով։ Իսկապես ոգևորիչ էր տեսնել այդքան շատ հետաքրքված անհատների: Նույնիսկ հանդիսատեսից մեկը՝ վրացի զբոսաշրջիկ, ցանկություն հայտնեց միանալ համերգային ծրագրին և երկու հրաշալի երգ նվիրեց գենդերային հավասարության օրվա կապակցությամբ։

ՀԱԲ-ի թիմը վստահ է, որ դեռ կա անհրաժեշտություն գենդերային խնդիրները բարձրաձայնելու և մարդկանց իրազեկվածությունը բարձրացնելու համար, քանի որ իրազեկվածությունը լավագույն պաշտպանությունն է։

Search

Follow us (AM)

Coming Events (AM)

No events found

© 2001-2016 Society Without Violence. All Rights Reserved.