- Հրապարակումներ
- Այցեր՝ 975
Գենդերային դասընթաց
«Հասարակություն առանց բռնության» ՀԿ-ը մշակել է գենդերային ուսումնասիրությունների համապարփակ դասընթաց հայերենով։ Դասընթացում տեղ գտած վերլուծություններն ու ձևակերպումները հանրամատչելի են՝ հասանելի գենդերային ուսումնասիրություններով հետաքրքրվող յուրաքանչյուրի համար։ Գենդերային դասընթացի հիմնական թիրախային խումբն ուսումնական հաստատությունների անձնակազմն է։ Դասընթացը նպատակաուղղված է նվազեցնելու հանրակրթության ոլորտում առկա անհավասարության և խտրականության դրսևորումները՝ բարձրացնելով իրազեկումը գենդերային հարցերի շուրջ, ձևավորելով քննադատական մտածողություն և նպաստելով գենդերազգայունության զարգացմանը։
Դասընթացը կազմել են կրթության և գենդերային հարցերով տեղացի և միջազգային փորձագետներին։ Այն բաղկացած է վեց մոդուլից։ Դասընթացը պարզաբանում է «գենդեր» և «սեռ» հասկացությունների տարբերակումը, սահմանում մի շարք էական հասկացություններ, ինչպիսիք են՝ գենդերային դերերը, գենդերային նորմերը, գենդերային կարծրատիպերը, գենդերային հավասարությունը, գենդերային հիմքով խտրականությունը, գենդերային հիմքով բռնության տեսակները, բռնության շարունակականությունը, կառուցվածքային բռնությունը, ռազմականացումը և այլն։ Գենդերային հարցերի հիմնովին ուսումնասիրման համար մոդուլներում քննության են առնվում սոցիալական համատեսքստը և սոցիալական ինստիտուտների դերը։
Դասընթացի ուսումական ծրագիրը հրատարակվել է առանձին ձեռնարկի տեսքով, որին կարող եք ծանոթանալ՝ այստեղ։
Դասընթացը մշակվել է Հայաստանում հասանելի և կայուն գենդերային կրթության հաստատում ծրագրի շրջանակում։
 Գենդերային դասընթաց | [ ] | 4507 kB |
«Գենդեր և ֆեմինիզմ» մոդուլում տեղ են գտել գենդերային դերերի, գենդերային կարծրատիպերի, խտրականության, գենդերային բռնության, դրա տեսակների, ֆեմինիզմի՝ որպես գաղափարախոսության, ֆեմինիզմի ալիքների, հայկական համատեքստում ֆեմինիզմի դրսևորումների, մեդիայում գենդերային կարծրատիպերի վերաբերյալ թեմաներ։
Սույն հետազոտությունը նպատակ ունի ուսումնասիրել 16-26 տարեկան տարիքային խմբի երիտասարդների շրջանում բռնության տարածվածությունը։ Զեկույցում ներկայացված են բռնությունների ընկալումն ինչպես բոլոր հարցվածների շրջանում, այնպես էլ՝ ըստ տարիքային խմբերի և սեռի։ Հետազոտության միջոցով բացահայտվել է Հայաստանում բնակվող երիտասարդ զույգերի շրջանում բռնության տարբեր տեսակների տարածվածությունը, ընդ որում` դրանցից յուրաքանչյուրի գծով կատարվել է առանձին վերլուծություն։ Բացի այդ, քանի որ բռնությունները կարող են բացասական հետևանք թողել դրանց ենթարկվածների կյանքի հետագա ընթացքի և հոգեկան առողջության վրա, ուսումնասիրել են նաև բռնությունների հետևանքները և դրանք հաղթահարելու եղանակները: